<$BlogRSDURL$>

Monday, November 01, 2004

Gleymdist Finnbogi?
Um daginn rak ég augun í hverjir væru tilnefndir til Eddu-verðlauna sem sjónvarpsmaður ársins. Ég gat ekki betur séð en að hver einasti kjaftur í íslensku sjónvarpi væri tilnefndur, heilu fréttastofurnar, allir umsjónarmenn fréttatengdra umræðuþátta og þar fram eftir götunum. Reyndar sá ég hvergi Finnboga Hermannsson nefndann en hann er líklega eini maðurinn sem kemur nálægt sjónvarpi á Íslandi sem fær ekki tilnefningu. Sérstaklega fannst mér merkilegt að sjá nöfn sem ég hef ekki séð á skjánum í áraraðir eins og til dæmis Ómar Ragnarsson. Þetta minnir mig á einhverja söngvakeppni sem Stöð2 og Bylgjan stóðu fyrir fyrir nokkrum árum. Þá voru ýmsar tónlistarviðurkenningar afhentar, lifetimeachievmentawards og þess háttar. Sá heiður hlotnaðist eingöngu starfsmönnum fyrirtækisins eins og Björgvini Halldórssyni, Þorgeiri Ástvaldssyni, Guðrúnu Gunnarsdóttur, Bjarna Ara o.s.frv. Allir vinir í því fyrirtæki.
Passið ykkur á myrkrinu og Þorgeiri Ástvaldssyni.

This page is powered by Blogger. Isn't yours?