<$BlogRSDURL$>

Wednesday, October 29, 2008

Orðrétt
"Of course, many factors have contributed to the success of this voyage, but I am convinced that our business culture, our approach, our way of thinking and our behaviour patterns, rooted in our traditions and national identity, have played a crucial role. All of these are elements that challenge the prevailing theories taught in respected business schools and observed in practice by many of the big American and British corporations. We are succeeding because we are different, and our track record should inspire the business establishment in other countries to re-examine their previous beliefs and the norms that they think will guarantee results. The range of Icelandic success cases provides a fertile ground for a productive dialogue on how the modern business world is indeed changing.

........I have mentioned this morning only some of the lessons which the Icelandic voyage offers, but I hope that my analysis has helped to clarify what has been a big mystery to many. Let me leave you with a promise that I gave at the recent opening of the Avion Group headquarters in Crawley. I formulated it with a little help from Hollywood movies: "You ain't seen nothing yet." "

- Ólafur Ragnar Grímsson, stundum kallaður Guðfaðir útrásarinnar af fylgismönnum sínum, leiðir fáfróða útlendinga í allan skilning um hvernig menn ná árangri í alþjóða viðskiptum. Bútur úr ræðu hans: HOW TO SUCCEED IN MODERN BUSINESS -
LESSONS FROM THE ICELANDIC VOYAGE í Walbrook klúbbnum í London þann 3. maí 2005.

Friday, October 24, 2008

Sameiningartákið Ólafur mun ávarpa þjóðina
Nú held ég að það sé kominn tími á að sameiningartákn- og leiðtogi þjóðarinnar, Ólafur Stefánsson, muni ávarpa þjóð sína. Mér skilst reyndar að það standi til á RÚV í náinni framtíð.

Orðrétt
"Ástandið hefur stundum verið skárra á Los Klakos. Allar bankalínur eru lokaðar og allar hjálparlínur rauðglóandi. Aðrar línur hafa útrásardólgarnir tekið í nefið. Geðdeildirnar eru yfirfullar og bankastarfsmenn fá daglega áfallahjálp sálfræðinga og prestar blessa bankastjóra í bak og fyrir og skvetta vígðu vatni frá Jóni Ólafssyni á tómar bankahirslurnar. Almúginn hímir í kílómetra löngum biðröðum eftir súpu og Bubbi er betlandi á torgum með apa og lírukassa og er kominn á tveggja ára Range Rover (eða Game Over einsog hann heitir víst í dag). Hummer er orðinn að Bummer og Landcruser að Grandlúser.Útrásarfroskarnir eru flúnir land á einkaþotunum enda ekkert meira að hirða af landslýð sem er svo mergsoginn og vanaður að meiraðsegja Blóðbankinn og Sæðisbankinn eru farnir á hausinn. Pólverjar flýja í ofboði til friðsamlegri og manneskjulegri landa einsog t.d. Íraks, Afganistan og Vestmannaeyja."
- Sverrir Stormsker tónskáld á blogg sínu þann 22. október 2008.

Fræga fólkið
Mikið hefur verið rætt og ritað um frægt fólk sem nýtur mikillar athygli fjölmiðla en engin veit almennilega út af hverju. Hefur nafn Parisar Hilton mikið verið að nefnt í þessu sambandi. Nú er alltaf verið að tala um Fannie May og Freddie Mac í fjölmiðlum. Hvaða fólk er þetta eiginlega ?

Tuesday, October 21, 2008

Orðrétt
"Ég er hjá réttu félagi"
- Cristiano Ronaldo á MUTV í gær.

Thursday, October 09, 2008

Fórnarlamb kreppunnar
Ljósvakafyrirtæki eru um þessar mundir að kynna vetrardagskrá sína. Ríkissjónvarpið er í dag með hálfsíðu auglýsingu í einhverju blaðinu þar sem minnt er á að Þorsteinn J. sé að byrja með nýjan þátt á RÚV. Þorsteinn hefur greinilega ekki farið varhluta af kreppunni því hann er í rifnum gallabuxum á myndinni.

Er ekki lengur maðurinn á bak við útrásina
Menn virðast bara vera alveg steinhættir að hnykkja á því að Ólafur Ragnar Grímsson hafi verið maðurinn á bak við útrás íslenskra fyrirtækja. Furðulegt helvíti.

Wednesday, October 08, 2008

Skiptir máli hvaða störf eru sexý?
Nú þegar útflutningsgreinarnar, eins og álframleiðsla og sjávarútvegur, bjarga því sem bjargað verður, þá er spurning hvort kaffihúsaspekingarnir haldi því ennþá fram að það áliðnaðurinn sé ekki nægilega sexý og að sjávarútvegurinn skipti engu máli lengur.

Tuesday, October 07, 2008

Munnmælasögur#90
Á tímum vonleysis og niðurdrepandi frétta þá hafa síðuhaldara borist hundruðir tölvupósta frá starfsmönnum fjármálageirans, þar sem óskað er eftir því að birt sé munnmælasaga um verndara bloggs fólksins, HáEmm, yfirmann rafmagns á Vestfjörðum. Fyrst þetta er aðkallandi til þess að rífa upp móralinn á vinnustöðum þá verður nú orðið við þessu:

"Eitt sinn lá fyrir ritgerðarefni í Sögu hjá Vestfirzkum Gleðipinnum á MÍ árunum. Átti að skila ritgerðinni heim til sögukennarans og skólameistarans, Björns Teitssonar, í síðasta lagi á sunnudagskveldi. Dóri ákvað að skrifa um Sameinuðu þjóðirnar og byrjaði aðeins á verkefninu á föstudeginum. Hefði þetta auðvitað ekki verið stórmál fyrir hann nema vegna þess að þarna var mikil helgi framundan hjá Gleðipinnunum, aldrei slíku vant. Máttu menn auðvitað ekkert vera að þessu á föstudagskvöldinu, né á laugardagskvöldinu. Á laugardeginum þurftu menn svo að sjálfsögðu að skipuleggja laugardagskvöldið, svona til þess að lifa ekki í einhverri óvissu. Á sunnudeginum voru Dóri og félagar hálf ryðgaðir og tóku þynnkurúnt á sunnudeginum. Eftir að hafa keypt sér kók í gleri og krembrauð, tóku þeir nokkra hringi. Svo tóku þeir nokkra hringi til viðbótar. Hittu fólk og samstilltu frásagnir frá prakkarastrikum helgarinnar. Um kvöldmatarleytið fór Dóri heim að huga að ritgerðinni en gekk verkið seint og illa sökum þess hve takkarnir á ritvélinni voru fáránlega litlir í samanburði við netta putta Halldórs. Þegar ritgerðinni hafði verið skilað mun Björn Teitssonar ekki hafa verið yfir sig hrifinn af ritverkinu sem samanstóð af hálfri blaðsíðu um stofnun SÞ, stofnþjóðir og ýmsar tölulegar staðreyndir. Var efnið síðan dregið saman í framhaldinu í einni setningu:

Og allar götur síðan hafa Sameinuðu þjóðirnar unnið mjög gott starf.
Halldór Magnússon."

Síðasta veislan
Hver hefði trúað því að síðuhaldari myndi eta og drekka á kostnað Hálfdáns Gíslasonar nú þegar mesta kreppa í heilan mannsaldur er skollin á? Þetta gerðist engu að síður síðastliðinn laugardag. Það gat nú verið að maður ætti það eftir að djamma á Borginni með öllu óreglufólkinu af Holtastígnum.

Monday, October 06, 2008

Europe og karfan
Sá nokkra leiki um daginn í Powerade bikarnum í körfu í Höllinni. Svo virðist sem sænska hljómsveitin Europe sé orðin einhvers konar körfubolta band því þetta lag hljómaði svona fjórum sinnum í kringum hvern leik.

Ríkisútgjöldin aukast þrátt fyrir sparnað í Seðlabankanum
Ríkisútgjöldin hafa aukist jafnt og þétt í áraraðir og varla mun draga úr því nú þegar FL group gengið er búið að lama a.m.k tvo banka. En þó er ekki hægt að kvarta undan sukki og starfsmannaveltu í Seðlabankanum, því maður getur ekki skilið fjölmiðlaumfjöllun undanfarna daga öðruvísi en svo, að það sé bara einn starfsmaður í Seðlabanka Íslands. Davíð Oddsson gengur þar í öll störf og þar kemur engin annar nálægt.

Harður dómur fyrir lélegt efni
Þegar ég labbaði fram hjá sjónvarpsskjánum í gær þá sá ég ekki betur í Ríkissjónvarpinu en að það væri verið að stinga Ísfirðingnum Helga Bjöss í fangaklefa. Kann ekki skýringuna á þessu en líklega er þetta út af því hvað kúrekaplatan hans var leiðinleg.

Wednesday, October 01, 2008

Talent !!!
Við efri vör Huggy Ragnars ! Kaupfélagsstjórinn til Héraðssambandsins. Hver á þá að keyra upp matvælaverðið í villta vestrinu? Miðað við þessa ráðningu þá er ekki hægt að segja að ráðningarstofan Talent beri nafn með rentu.

This page is powered by Blogger. Isn't yours?